سنة أولى طب

ترحب أسرة الفردوس بجميع الطلاب الجدد بالكلية هذا العام 2007/2008 م (طلبة سنة أولى) وتتمنى لهم التفوق والنجاح بإذن الله.

 ان شاء الله يا شباب هتدرسوا السنة دي والسنة الجاية 4مواد طبية ( تشريح وفسيولوجي وهستولوجي وكيمياء حيوية ) ومعاهم حاسب آلي ولغة انجليزية والسنة الجاية هتزيد عليكم مادة علم النفس (سايكولوجي ).

  نظام الدراسة في الأربع مواد عبارة عن محاضرات نظرية في المدرج ودروس عملية في المعامل  (السكاشن) أما الانجليزي والحاسب والسايكولوجي محاضرات بس .

المحاضرات طبعا في المدرج اللي كلكم عارفينه

طيب المعامل دي فين :

                         1-التشريح في المشرحة " الدور الأرضي" من مبنى المعامل

                         2-الفسيولوجي فوق المشرحة "الدور الأول علوي يعني"

                         3-الكيمياء الحيوية جنب الفسيولوجي " الدور الأول علوي برضه"

                         4-الهستولوجي فوق الكيمياء الحيوية بس في "الدور الرابع علوي"

    طيب هو فين مبني المعامل أساسا؟ عارفين الكافتيريا "ايوة طبعا عارفينها هو احنا عارفين   غيرها أصلا"  حلو الكافيتريا هي امتداد مبني المعامل .

طيب تعالوا بينا نعرف أكتر عن كل مادة بالتفصيل :-

التشريح والفسيولوجي المادتين الكبار في المنهج كل مادة فيهم عليها 250 درجة وكل مادة منهم تتكون من كذا فرع كل فرع تقريبا ليه كتاب لوحده.

أما الكيمياء الحيوية والهستولوجي هما المادتين الأصغر كل مادة فيهم عليها 150 درجة وكل مادة منهم  ليها كتاب واحد بس للنظري .

أما بقى الحاسب واللغة كل مادة عليها 25 درجة بس .

وللتعرف أكتر على كل مادة

1 - التشريح ( Anatomy )

2 – الفسيولوجي ( Physiology )

3 – الهستولوجي (Histology)

4 – الكيمياء الحيوية (Biochemistry)

هذا ونفيدكم علما بأن جميع أعضاء أسرة الفردوس في خدمتكم دائما فلا ترددوا في الاستفسار عن أي شيء    

"وعايزكم تعتبرونا زي إخواتكم الكبار بالظبط"

أي حاجة تعزوها شاوروا بس واحنا تحت امركم