4 – الكيمياء الحيوية (Biochemistry)

طبعا مش محتاجين أقولكم إنها الكيمياء اللي تحدث جوا جسم الكائن الحي (حيوية).

طيب هندرس فيها إيه السنة دي؟

- هتدرسوا في الأول فصل اسمه الكيمياء الفيزيائية (Physical Chemistry).

- وبعدين فصل الكربوهيدرات (Carbohydrate)عارفينها طبعا

- وبعدين فصل الدهون (Lipid)

- وبعدين البروتينات (Protein)

- وبعدين البيولوجيا الجزيئية (Molecular Biology) وده يعتبر أهم فصل في المنهج وبتدرسوا فيه الحامض النووي DNA و RNA وتركيبه بالتفصيل ونموذج لشكله ....إلخ.

- وبعدين في نهاية المنهج بتدرسوا الفيتامينات (Vitamins) .

كالعادة زي بقيت المواد ده كل النظري اللي بيتشرح في المحاضرات .

أما في السكاشن قلما تجد شرح نظري معظم الوقت بتشتغل في المعمل :

بتاخد تجربتين في الكيمياء الفيزيائية و بقيت السكاشن كشف عن الكربوهيدرات المختلفة ثم كشف عن البروتينات المختلفة ثم بقيت السكاشن مراجعة ما قبل الامتحان.