1 - التشريح ( Anatomy )

يعني ايه تشريح؟

 يعني معرفة جميع أجزاء الجسم من عضلات وعظام وأعصاب وأوعية دموية وأعضاء داخلية

كل حاجة من دول تدرسوها بالتفصيل ( مكانها وعلاقاتها بالأجزاء الأخرى المجاورة ليها.....إلخ )

 "ده طبعا تعريف باختصار شديد ".

طيب في سنة أولى هندرس إيه؟

- في الأول هتبدأوا بفرعين مع بعض هما biology Human الفرع ده هتدرسوا فيه مبادئ       التشريح عامة يعني مش جزء محدد في الجسم .

- والفرع التاني Upper Limb يعني إيه؟ يعني الطرف العلوي هتدرسوا فيه تشريح الذراع  وأجزاء من الرقبة والظهر والصدر.

- بعد ما تخلصوا biology Human هتاخدوا فرع تالت اسمه Embryology وده بيدرس مراحل تطور الجنين من لحظة الاخصاب ويمكن من قبلها حتى لغاية الولادة ويمكن كمان لبعدها

شوية.

- أما بقى بعد ما تخلصوا Upper Limb هتاخدوا الفرع الرابع اللي هو Thorax  يعني إيه؟ يعني الصدر وهتدرسوا فيه تشريح الصدر وأهم حاجة فيه طبعا القلب والرئتين .

-وبعد Thorax هتاخدوا Abdomen من غير ما تسألوا يعني البطن بما فيها من معدة وأمعاء وكبد وطحال وكلى وبنكرياس.

- وبعد Abdomen هتدرسوا Pelvis اللي هو الحوض بما فيه طبعا.

**** لا زم تعرفوا إن Upper Limb و Thoraxو Abdomenو Pelvisلما تيجوا تبدأوا كل فرع منهم بتبدأوا تاخدوا العضم الأول وبعد كده الأعضاء والأنسجة الأخرى.

طيب بالنسبة لمحاضرات التشريح بتبقى كلها نظري ما فيهاش عملي خالص وبتدرسوا فيها كل الفروع اللي فاتت.

أما بقى السكاشن بتبقى معظمها نظري بس بتشوفوا عملي على طول و biology Human و Embryology ما بيتشرحوش في السكاشن.